ذكـــــــــــــراك

بسم الله الرحمن الرحيم
-----------------------------

ذكراك لاهبت يجي عطرها صلف

واستنشقه بالصدر مثل الخزامى

إي والله إن غيابها مكلفٍ كلف

إي والله ان عروق قلبي توامى

رمش النواعس والحجاجين والزلف

ياماخذن قبلي قلوب النشامى

أمضى من المصقول واسبق من الشلف

سهم الهوى لوكنت عنه اتعامى

لا يخدعك صبري على الجرح ماخلف:

هالشعر غير جروح قلبي تدامى

لي خاطر بينه وبين الشقا حلف

ياماعثت فيه المقادير ياما

من عاش هالدنيا بلا صاحب وولف

عزالله إنه عاش عيشت يتامى

خل السوالف والمشاريه والحلف

مبطي وأنا على الجروح اتسامى

قلب(ن)يضيق بذكريات الهوى جلف

وقلبي مثل جرد القفار يترامى

وتقبلوا تحيتي
أخوكــم / سليمان الحايطــي

( سليمان الحائطي )

يعطيك ألف عافيه طرح راق بارك
الله فيك دمت ودام لنا قلمك
حمل بطياته الكثير من التميز
دمت مبدعا دووما

صح لسان الشاعر

وسلمت يد ناقلها

تقبل مروري

يعطيك العااااااااافية

خيوووووووو لاهنت

يالغاااااااااالي تسلم

يداااك ماننحرم من الابدااااااااع

الجميل والرائع

تحيااااااااااااتي